پاکستان شوبز انڈسٹری کی مشہور و معروف اداکارہ سجل علی نے کہا ہے کہ آنجہانی بھارتی اداکارہ سری دیوی میرے لئے ماں سے کم نہیں تھیں۔
حال ہی میں اپنے دیے گئے ایک انٹرویو میں اداکارہ سجل علی نے سری دیوی کے ساتھ اپنے تعلقات کے بارے میں کھُل کر بات کی اور فلم موم میں اپنے کام کا تجربہ شیئر کیا۔
انہوں نے بتایا کہ سری دیوی نے فلم ’موم‘ میں میری بہترین رہنمائی کی اور ماں کی طرح میرا خیال رکھا اور ایسی بہت سی باتیں بتائیں جو میرے کیرئیر کے لئے مدد گار ثابت ہو سکتی ہیں۔
یہ بھی پڑھیں: سجل علی نے اپنا انسٹا گرام اکاؤنٹ ڈیلیٹ کر دیا؟
ان کا کہنا تھا کہ شوٹنگ کے دوران انہوں نے میرے لباس، میرے بالوں اور دیگر باتوں سے متعلق بہترین مشورے دیئے اور انہوں نے بالکل ویسا ہی برتاؤ کیا جیسے کوئی ماں کرتی ہے۔
اداکارہ سجل علی نے مزید کہا کہ سری دیوی کے ساتھ ساتھ ان کی بیٹی اور بالی ووڈ کی معروف اداکارہ جھانوی کپور کے ساتھ بھی بہترین تعلق قائم ہوا۔
یہ بھی پڑھیں: شادی سے متعلق اداکارہ سجل علی کا نیا بیان سامنے آگیا
