پاکستان شوبز انڈسٹری کی مشہور و معروف اداکارہ حمیمہ ملک نے کہا ہے کہ میں 2021 تک اسکرین سے کسی سے تعلقات کی وجہ سے دور تھی۔
حال ہی میں اپنے دیے گئے ایک انٹرویو میں اداکارہ حمیمہ ملک نے بتایا کہ ان کی شادی انتہائی کم عمری یعنی 18 سال کی عمر میں ہوگئی تھی لیکن محض دو سال بعد ہی ان کی طلاق ہوگئی۔
View this post on Instagram
انہوں نے کہا کہ میں اپنی پہلی فلم بول کی شوٹنگ میں مصروف تھی کہ شوٹنگ سیٹ پر مجھے طلاق کی کال آئی اور مجھے کہا گیا کہ بول کی شوٹنگ چھوڑ کر آجائیں یا پھر طلاق لے لیں۔
یہ بھی پڑھیں: عمران ہاشمی کے ساتھ کام کر کے کیا نقصان ہوا؟ اداکارہ حمیمہ ملک کا برسوں بعد اہم انکشاف
ان کا کہنا تھا کہ اس وقت طلاق کے معاملے پر انہیں فلم ساز شعیب منصور نے بھی اچھی تجویز دی لیکن انہوں نے وہی کیا جو ان کے دل نے چاہا اور وہ فلم کی شوٹنگ چھوڑ کر نہیں گئیں اور ان کی محض 20 سال کی عمر میں پہلی طلاق ہوئی۔
View this post on Instagram
حمیمہ ملک نے بتایا کہ طلاق کے بعد انہیں والدہ نے اینٹی بائیوٹک گولیاں آگمنٹن کھانے کا کہا، کیونکہ ان کی والدہ کے خیال میں مذکورہ گولیاں طاقت اور درد کش ہیں اور اداکارہ والدہ کے کہنے پر تین ماہ تک آگمنٹن کھاتی رہیں۔
انہوں نے کہا کہ ماہرہ خان نے انہیں آگمنٹن سے متعلق بتایا جس کے بعد ہی انہوں نے مذکورہ گولیاں کھانا بند کیں۔
View this post on Instagram
ان کا کہنا تھا کہ انہوں نے کم عمری میں ہی بڑی محنت کی اور کیریئر اور خاندان کی زندگی بنانے کے لیے انہوں نے خود کو ہی اہمیت نہیں دی اور اپنا خیال تک نہ رکھا۔
یہ بھی پڑھیں: فن کا مذہب سے کوئی تعلق نہیں ہوتا ہے، حمیمہ ملک
اداکارہ حمیمہ ملک نے بتایا کہ 2021 میں انہوں نے ہدایت کار انجم شہزاد کے ڈرامے کے ذریعے اسکرین پر کافی عرصے بعد واپسی کی، کیوںکہ کسی سے تعلقات کی وجہ سے وہ دو سال تک اسکرین سے دور تھیں۔
View this post on Instagram
واضح رہے کہ حمیمہ ملک نے 2010 میں اداکار شمعون عباسی سے شادی کی تھی لیکن یہ شادی صرف 2 سال ہی چل سکی تھی اور اس جوڑے نے 2012 میں اپنے راستے الگ کرلیے تھے۔
یہ بھی پڑھیں: سنگل رہنا کسی نعمت سے کم نہیں، حمیمہ ملک
