بالی ووڈ کی معروف اداکارہ ایشوریا رائے کی ہمشکل پاکستانی لڑکی آمنہ عمران نے خود سے متعلق اہم انکشاف کیا ہے۔
حال ہی میں بالی ووڈ کی معروف اداکارہ ایشوریا رائے کی ہمشکل پاکستانی لڑکی آمنہ عمران نے ایک نجی ٹی وی چینل کے شو میں شرکت کی جہاں انہوں نے خود سے متعلق انکشاف کیا۔
انہوں نے کہا کہ میری شکل بالی ووڈ کی معروف اداکارہ ایشوریا رائے سے ملتی ہے اس کے بارے میں مجھے کچھ معلوم نہیں تھا۔
آمنہ نے کہا کہ میں پاکستانی کئی گروپس میں ایڈ ہوں، میری دوست نے کہا تھا کہ اپنی تصاویر پوسٹ کرو اور میں نے کر دیں۔
انہوں نے کہا کہ میں ایک دن اپنے مریض کو انجیکشن لگا رہی تھی تو میرا موبائل بجنے لگا تو میں نے دیکھا کہ میری تصاویر وائرل ہو چکی تھیں اور اکثر صارفین یہی کہہ رہے تھے کہ آپ ایشوریا رائے سے ملتی ہیں۔
آمنہ نے کہا کہ صارفین کا مجھے اداکارہ سے ملانا مجھے بہت پسند آیا کیونکہ میں خود ایشوریا رائے کو بچپن سے بہت پسند کرتی ہوں، ان کے گانے اور فلمیں بھی دیکھتی تھی۔
انہوں نے کہا کہ اگر زندگی میں مجھے موقع ملا تو میں ان سے ملوں گی اور ان کو چائے پلاؤں گی، میری خواہش ہے کہ ہم دونوں ساتھ بیٹھ کر انکی کوئی فلم بھی دیکھیں۔
واضح رہے کہ بھارتی اداکارہ ایشوریا رائے کا شمار دنیا کی خوبصورت ترین خواتین میں ہوتا ہے۔ ایشوریا رائے کے ساتھ ایک جیسی خصوصیات کا اشتراک کرنا ہمیشہ ایک بڑی چیز سمجھی جاتی ہے۔
اور ہندوستان میں اگر کوئی بالی ووڈ کے سپر اسٹار سے مشابہت رکھتا ہے تو اسے آسانی سے فلم یا ٹی وی پروجیکٹ مل سکتا ہے۔
