پاکستان شوبز انڈسٹری کے معروف اداکار و میزبان فہد مصطفیٰ کو لیاری کے رہائشی بلوچی گلوکار کیفی خلیل کا زمانہ مشہور گانا “کہانی سنو” گنگنانا مہنگا پڑگیا ہے۔
حال ہی میں معروف میزبان اور اداکار فہد مصطفیٰ نے کینیڈا کے شہر ٹورنٹو میں ایک پاکستان میوزک فیسٹیول میں شرکت کی۔
اس دوران انہوں نے کیفی خلیل کا گانا ’کہانی سنو‘ اپنے انداز میں گانے کی کوشش کی جس کی ویڈیو سوشل میڈیا پر تیزی سے وائرل ہوگئی ہے۔
Sadqay utarein **😂
Fahad singing kahani suno in Toronto🥺 💘#fahadmustafa @fahadmustafa26 pic.twitter.com/HEJmcx3AB8— Fatimaaa (@fahadsarmy) March 12, 2023
سوشل میڈیا صارفین نے مشہور گانا کہانی سنو گنگنانے پر معروف میزبان فہد مصطفیٰ کو آڑے ہاتھوں لے لیا۔
سوشل میڈیا صارفین کے کمنٹس پر ایک نظر ڈالتے ہیں۔
واضح رہے کہ لیاری سے تعلق رکھنے والے کیفی خلیل نے ابتدائی طور پر ’کہانی سنو‘ گانے کو جون 2021 میں ریلیز کیا تھا۔
اس کے بعد گلوکار کیفی خلیل نے اسی گانے کو نئے انداز میں جون 2022 میں بھی ریلیز کیا جس کو لوگوں کی جانب سے خوب پسند کیا گیا۔
https://www.youtube.com/watch?v=b0nxKphBmlI
یوٹیوب ورلڈ گلوبل چارٹس میں 55 ویں نمبر پر یہ گانا یک طرفہ محبت کی دیرپا اذیت، ناکامی اور ادھورے خوابوں سے جڑے درد کو پیش کرتا ہے۔
موسیقار گھرانے سے تعلق رکھنے والے کیفی خلیل نے اپنے کیریئر کا آغاز اوائل عمری میں ہی گلوکاری سے کردیا تھا۔
View this post on Instagram
وہ خاص طور پر روایتی بلوچی موسیقی میں جدید موسیقی کی آمیزش کے ذریعے ایک منفرد انداز تخلیق کرنے کے لیے جانے جاتے ہیں۔
کوک اسٹوڈیو کے سیزن 14 میں انہوں نے وہاب بگٹی اور لیاری کی ایک اور نوجوان گلوکارہ ایوا بی کے ساتھ “کنا یاری” گایا تھا جو بے حد مقبول ہوا تھا۔
View this post on Instagram
