معروف پاکستانی اداکارہ دانیہ انور نے کہا ہے کہ محبت کی شادی کرنے کے باوجود 6 سال تک اپنے شوہر کا جسمانی و ذہنی تشدد کرتی رہی ہوں۔

حال ہی میں اپنے دیے گئے ایک انٹرویو میں اداکارہ دانیہ انور کا کہنا تھا کہ انہوں نے اپنے دوست کے بھائی اور خود سے 5 سال بڑے شخص سے محض 19 سال کی عمر میں شادی کر لی تھی، یہ شادی محبت کی تھی جس کا تجربہ اور نتیجہ اچھا نہیں رہا۔

انہوں نے کہا کہ شادی کے آغاز میں ہی انہیں کچھ مسائل کا سامنا کرنا پڑا تھا جنہیں کم عمری کی وجہ سے وہ سمجھ نہیں پائیں، عورت ہونے کے ناطے اپنی شادی کو بچانے اور کامیاب بنانے کے لیے 100 فیصد کوششیں بھی کیں لیکن کامیاب نہ ہو سکیں۔

ان کا کہنا تھا کہ انہوں نے 6 سال تک تشدد اور استحصال کرنے کے بعد طلاق لے لی جس کے بعد ان کی قریبی خواتین نے ہی انہیں بُری عورت کہنا شروع کر دیا تھا۔

اداکارہ دانیہ انور نے مزید کہا کہ انہوں نے اس صدمے سے نکلنے کے لیے نفسیاتی ماہرین کی مدد بھی حاصل کی تھی جنہوں نے انہیں تشدد زدہ شادی کو بھلانے میں مدد فراہم کی۔