بھارت کے لیجنڈری اداکار ماموکویا دل کا دورہ پڑنے سے انتقال کر گئے ہیں۔

بھارتی میڈیا کے مطابق بھارت کی ملیالم فلم انڈسٹری سے تعلق رکھنے والے سینئر اداکار ماموکویا ضلع ملاپورم کے علاقے وندور میں فٹبال ٹورنامنٹ کی افتتاحی تقریب میں مہمان خصوصی کے طور پر شریک تھے کہ اچانک گر گئے۔

   سینئر اداکار کو فوری طور پر وندور کے اسپتال منتقل کیا گیا تاہم بعد ازاں انہیں ایک نجی اسپتال میں منتقل کیا گیا۔

میڈیا کا کہنا ہے کہ ابتدائی طبی امداد کے بعد سینئر اداکار کی طبیعت قدرے بہتر تھی اور وہ سوالوں کے جواب دے رہے تھے تاہم انہیں ہیمریج کے دل کا دورہ پڑا جس کے باعث وہ جانبر نہ ہو سکے اور76 برس کی عمر میں انتقال کر گئے۔