اطلاعات ہیں کہ اداکارہ شردھا کپور اور کارتک آرین ہدایت کار کبیر خان کی اگلی فلم چندو چیمپئن میں ایک دوسرے کے مدمقابل کام کریں گے۔
ساجد ناڈیاڈوالا کے ذریعہ پروڈیوس کردہ، کارتک نے پہلے ہی اس فلم کی شوٹنگ شروع کر دی ہے اور شردھا اداکار کے مقابل اداکاری کرنے کی دوڑ میں سب کی پہلی پسند ہیں۔
اس حوالے سے ایک رپورٹ کے مطابق، کبیر اور ساجد شردھا کو لیڈنگ لیڈی کے طور پر کاسٹ کرنے کے خواہشمند ہیں۔
کارتک اور شردھا کو آخری بار لو رنجن کی فلم تو جھوتھی میں مکار میں اسکرین پر ایک ساتھ دیکھا گیا تھا جس میں اداکار نے کیمیو کیا تھا تاہم چندو چیمپیئن ان کی ایک ساتھ پہلی فلم ہوگی۔
رپورٹ کے مطابق ساجد اور شردھا کے درمیان اس حوالے سے بات چیت جاری ہے اور اداکارہ اس کردار کے لیے ’پرجوش‘ ہیں۔ فلم کی شوٹنگ چھ ماہ میں مکمل کی جائے گی، جس میں VFX عناصر کے لیے پوسٹ پروڈکشن کے لیے کافی وقت ہوگا۔
ایک ذرائع نے بتایا کہ کبیر اور ساجد دونوں کو یقین ہے کہ یہ ان کے کیریئر میں ایک تاریخی فلم ہوگی۔
کارتک فی الحال ستیہ پریم کی کتھا کی کامیابی سے لطف اندوز ہو رہے ہیں کیونکہ فلم 29 جون کو ریلیز ہونے کے بعد سے 50 کروڑ کا ہندسہ عبور کر چکی ہے۔
خیال رہے کہ کارتک آریان نے اپنے اگلے پروجیکٹ کا پہلا پوسٹر شیئر کردیا ہے۔
بھارتی اداکار نے اپنے انسٹاگرام اکاؤنٹ پر اپنی اگلی فلم کے پہلے پوسٹر کو شیئر کیا ہے اور ساتھ ہی اس کی ریلیز کی تاریخ کی تاریخ کے متعلق بھی اعلان کیا گیا ہے۔
دریں اثنا، کارتک آریان اب ہندوستان میں ایک نئے ٹیلنٹ کے طور پر ابھر رہے ہیں۔ ان کی نئی فلم، کیارا اڈوانی کے ساتھ ستیہ پریم کی کتھا سینما گھروں میں ناظرین کے دل جیت رہی ہے۔
