سنجیدہ شیخ بالی ووڈ اداکار ہرش وردھن رانے کو ڈیٹ کرنے کی خبریں آنے کے بعد سرخیوں میں آگئی ہیں۔
اس دوران اداکارہ نے جمعرات کو اپنی تازہ ترین تصاویر سے سوشل میڈیا پر آگ لگا دی ہے۔
سنجیدہ نے اپنے انسٹاگرام پر ایک ویڈیو فارمیٹ میں تصاویر کا ایک سلسلہ شیئر کرتے ہوئے ڈیٹنگ کی افواہوں پر اپنا رعمل شیئر کیا ہے۔
ویڈیو میں، سنجیدہ کے مختلف پوزنگ اسٹائل دیکھے جاسکتے ہیں جس کے ساتھ، اداکارہ نے عنوان دیا، “رازداری طاقت ہے۔”
سنجیدہ کے ویڈیو پوسٹ کرنے کے کچھ دیر بعد ہی ان کے مداحوں اور سوشل میڈیا صارفین کی جانب سے کمنٹس کا سلسلہ شروع ہوگیا ۔
افواہوں پر بات کرتے ہوئے 2021 میں، افواہوں پر ردعمل ظاہر کرتے ہوئے، سنجیدہ نے ب کہا تھا، “میں سمجھ گئی ہوں کہ دو لوگ ایک ساتھ کام کریں گے تو لوگ باتیں بنائیں گے۔ میں اپنے اگلے اداکار کے ساتھ کام کروں گی اور لوگ باتیں کریں گے۔ تو یہ سلسلہ کبھی رکنے والا نہیں ہے، یہ اسی طرح چلتا رہے گا۔ یہ ٹھیک ہے، انہیں بات کرنے دو۔ مجھے اس سے کوئی مسئلہ نہیں ہے۔ لیکن دن کے آخر میں اگر آپ میرے کام کا نوٹس لیتے ہیں اور میری اداکاری کو پسند کرتے ہیں تو میں اس کے ساتھ ٹھیک ہوں۔ آپ جو چاہیں بول سکتے ہیں، اس سے میرے کام کو متاثر نہیں ہونا چاہیے۔‘‘
دوسری جانب حال ہی میں اداکار ہرش وردھن نے کہا، “یہ مجھے پریشان نہیں کرتا کیونکہ لکھنا صحافیوں کا کام ہے اور ان کے پاس ہفتہ وار ڈیڈ لائن اور روزانہ کوٹہ یا کہانیوں کا ہدف بھی ہوتا ہے۔ میں انہیں ایسے انسانوں کے طور پر دیکھتا ہوں جو کام کرنے کی کوشش کر رہے ہیں، بالکل اسی طرح جیسے میرا کام فلموں میں ہونا ہے۔
ہرش وردھن اور سنجیدہ نے فلمساز بیجوئے نمبیار کے ایکشن، تیش (2020) میں ایک ساتھ کام کیا۔ جب کہ وہ اگلی بار فلمساز سنجے لیلا بھنسالی کے ویب شو ہیرامنڈی میں نظر آئیں گی، ہرش وردھن کن فیا کن، مرانڈا برادرز، ڈانگے اور ایف 9 کے ساتھ مصروف ہیں۔ انہوں نے صنم تیری قسم کے سیکوئل کی بھی تصدیق کی تھی۔
