بالی ووڈ کے اداکار سنی دیول اور امیشا پٹیل کی فلم گدر 2 کا ٹریلر جاری کر دیا گیا ہے ، جس کے بعد فلم کے ہیرو سوشل میڈیا پر تنقید کا بھی شکار ہو رہے ہیں۔

سنی دیول نے ٹریلر کی نمائش کی تقریب میں ‘ہندوستان اور پاکستان کے درمیان نفرت’ کا ذمہ دار ’ سیاسی کھیل‘ کو قرار دیا ، اس کے بعد سوشل میڈیا صارفین کی ایک بڑی تعداد  ان کے بیان پر تنقید کر رہی ہے۔

ٹریلر دیکھیں:

گدر 2 کی کاسٹ اور میکرز نے بدھ کو گدر 2 کے ٹریلر کی نقاب کشائی کی، جو انیل شرما کے 2001 کے بلاک بسٹر کراس بارڈر ڈرامے کا سیکوئل ہے۔

گدر 2 کے ٹریلر لانچ ایونٹ میں،اداکار سنی دیول اور امیشا پٹیل کے ساتھ ساتھ گدر 2 کی باقی کاسٹ بھی شامل تھیں۔

اپنی آنے والی فلم کے ٹریلر لانچ کے موقع پر پاک بھارت تعلقات پر سنی کے بیان نے توجہ مبذول کروائی، ٹویٹر پر بہت سے لوگوں نے اداکار کو تنقید کا نشانہ بنایا۔

اداکار اور پنجاب کے گورداسپور سے بی جے پی کے رکن پارلیمنٹ نے ہندوستان اور پاکستان کے درمیان نفرت کے لئے ‘سیاسی کھیل’ کو ذمہ دار ٹھہرایا۔

سوشل میڈیا پر بہت سے لوگ ان کے ‘سفارتی’ بیان سے ناخوش تھے، کچھ کا دعویٰ تھا کہ انہوں نے یہ تبصرہ اس لیے کیا تھا تاکہ پاکستان میں لوگ گدر 2 دیکھیں۔ دوسروں نے کہا کہ سنی کے بیان کی وجہ سے فلم کا بائیکاٹ کیا جانا چاہیے۔

گدر 2 کو انیل شرما نے ڈائریکٹ کیا ہے۔ یہ 11 اگست 2023 کو ریلیز ہونے والی ہے۔ فلم OMG 2 کے ساتھ ٹکرائے گی جس کے ہدایت کار امیش شکلا ہیں اور اس میں اکشے کمار، پنکج ترپاٹھی، یامی گوتم، اور ارون گوول شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں