بھارتی اداکارہ یامی گوتم کی فلم ’دھوم دھام‘ کو او ٹی ٹی پر ریلیز کرنے کا فیصلہ کیا گیا ہے ۔

یامی گوتم اور پراتیک گاندھی کی فلم دھوم دھام کے بنانے والے کافی عرصے سے اس کشمکش میں تھے کہ فلم کو تھیٹرز میں ریلیز کیا جائے یا او ٹی ٹی پر اور کافی بحث و مباحثے کے بعد فلم کو او ٹی ٹی پلیٹ فارم JioCinema کو براہ راست فروخت کر دیا گیا ہے۔

انڈسٹری کے ذرائع کے مطابق، “فلم کے پروڈیوسر فلم کے بارے میں بہت پراعتماد ہیں کیونکہ بہت طویل عرصے کے بعد ایسی اچھی، پرلطف فلم، فیملی انٹرٹینر، نیو ایج کیپر کامیڈی شائقین کے لیے ریلیز کی جائے گی۔

یہ یقینی طور پر ایک ایسے وقت میں ریلیز کی جائیگی کہ جب آن لائن بہت زیادہ تاریک، کرخت مواد دستیاب ہوگا۔

خیال رہے کہ ذرائع کے مطابق، فلم او ٹی ٹی پر ریلیز ہونے والی یامی گوتم کی پچھلی فلموں کے مقابلے سب سے زیادہ قیمت پر فروخت ہوئی ہے۔

دھوم دھام یامی گوتم کا اپنے شوہر آدتیہ دھر کے ساتھ بطور پروڈیوسر پہلا اشتراک ہے۔ یہ بلا کے بعد یامی گوتم کی کامیڈی کے میدان میں واپسی کا بھی نشان ہوگا۔

دریں اثنا، یامی گوتم اکشے کمار، اور پنکج ترپاٹھی کے ساتھ OMG 2 میں اگلی اداکاری کریں گی۔ فلم 11 اگست کو سینما گھروں میں ریلیز ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں