پاکستان شوبز انڈسٹری کے مشہور و معروف اداکار حسن احمد نے کہا ہے کہ اُن کو ماضی کے مقابلے میں اس بار اپنی اہلیہ سنیتا مارشل کے ساتھ کام کرنے میں مزہ آ رہا ہے۔
حال ہی میں حسن احمد اور سنیتا مارشل نے اپنے دیے گئے ایک انٹرویو میں ڈرامے اور حقیقی زندگی میں فرق کے حوالے سے بات کی۔
View this post on Instagram
اداکار حسن احمد نے بتایا کہ شادی کے بعد دونوں دوسری مرتبہ آن اسکرین بھی میاں اور بیوی بنے ہیں، اس سے قبل 6 یا 7 سال پہلے دونوں ایک ڈرامے میں میاں اور بیوی بنے تھے۔
ان کا کہنا تھا کہ ماضی کے مقابلے میں اس بار انہیں ایک ساتھ کام کرنے میں بہت مزہ آ رہا ہے اور انہیں اس بار زیادہ محنت بھی نہیں کرنی پڑی۔
اس موقع پر اداکارہ سنیتا مارشل کا کہنا تھا کہ پہلی بار آن اسکرین میاں اور بیوی بننے پر دونوں شوٹنگ کے دوران مسکرا دیتے تھے لیکن اس بار ایسا کچھ نہیں ہوا۔
View this post on Instagram
انہوں نے کہا کہ پہلے دونوں کے درمیان ڈرامے میں رومانس زیادہ دکھایا گیا تھا جس وجہ سے وہ شوٹنگ کے وقت مسکرا دیتے تھے، لیکن اس بار ان کے درمیان لڑائی بہت دکھائی گئی ہے جس وجہ سے انہیں کوئی مشکل پیش نہیں آئی۔
سنیتا مارشل کے مطابق ان کی حقیقی زندگی بہت مختلف ہے، وہ اس طرح لڑائی جھگڑے نہیں کرتے اور نہ ہی شوٹنگ کے بعد ان پر کرداروں کا اثر ہوتا ہے۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
