تامل اداکار موہن، جو کامیڈی صنف میں معاون کردار ادا کرنے کے لیے مشہور تھے، مدورائی میں انتقال کر گئے۔

رپورٹس کے مطابق اداکار کی لاش مدورائی میں تھروپارکندرم مندر کے قریب ایک گلی سے ملی۔ 60 سالہ اداکار کمل ہاسن کی اپوروا سگودھرارگل (1989) میں اپنے مزاحیہ کردار کے لیے مشہور تھے۔

اطلاعات کے مطابق 31 جولائی کو مقامی لوگوں نے اداکار کی لاش سڑک پر پائی اور پولیس کو اطلاع دی۔

پولیس نے بتایا کہ موہن کی لاش کو پوسٹ مارٹم کے لیے مدورائی کے سرکاری اسپتال بھیج دیا گیا ہے اور میت پوسٹ مارٹم کے بعد آخری رسومات کے لیے ان کے اہل خانہ کے حوالے کی جائے گی۔

ذرائع نے بتایا کہ 60 سالہ اداکار کام کی تلاش میں جدوجہد کر رہے تھے اور مالی بحران سے دوچار تھے۔

وہ کامیڈی صنف میں معاون کردار ادا کرنے کے لیے مشہور تھے۔ موہن کا سب سے مقبول کردار 1989 میں کمل ہاسن کی فلم اپوروا سگودھرارگل میں تھا۔

انہوں نے فلم میں ساؤتھ سپر اسٹار کے دوست کا کردار ادا کیا تھا۔ انہوں نے ایک اور تنقیدی طور پر سراہی جانے والی فلم ‘نان کدوول’ میں بھی کام کیا، جس میں آریہ اور پوجا نے بھی کام کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں