ماضی کی سپر ماڈل، فیشن ڈیزائنر، آرٹسٹ و اداکارہ فریحہ الطاف نے کہا ہے کہ ماڈلنگ کی دنیا میں کام کے بدلے نامناسب مطالبات عام بات ہیں۔
حال ہی میں اپنے دیے گئے ایک انٹرویو میں فریحہ الطاف نے ماڈلنگ اور فیشن انڈسٹری پر کھل کر گفتگو کی۔
View this post on Instagram
انہوں نے کہا کہ ماضی میں ماڈل گرل کا لفظ سنتے ہی لوگ خواتین ماڈلز کو غلط سمجھنا شروع ہوتے تھے، 38 سال قبل جب انہوں نے ماڈلنگ شروع کی تب بولڈ لباس نہیں پہنا جاتا تھا لیکن اس کے باوجود خواتین کے کردار کو غلط سمجھا جاتا تھا۔
ان کا کہنا تھا کہ یہ خیال تک پایا جاتا ہے کہ ماڈل خواتین سے کوئی شادی نہیں کرے گا اور والدین کی جانب سے بھی بچیوں کو فیشن انڈسٹری میں جانے سے منع کیا جاتا ہے۔
فریحہ الطاف نے کہا کہ جب ان کی منگنی ہوئی تو ان کے سسرال والوں نے مطالبہ کیا کہ وہ ماڈلنگ چھوڑ دیں ورنہ رشتہ نہیں ہوگا لیکن انہوں نے ان کا مطالبہ نہیں مانا۔
انہوں نے کہا کہ کاسٹنگ کاؤچ فیشن انڈسٹری کا حصہ رہا ہے، جب انہوں نے ماڈلنگ ایجنسی قائم کی تو انہیں بہت ساری ڈیزائنرز کے فون آتے تھے اور انہیں کہا جاتا تھا کہ فلاں لڑکے کو شو کا حصہ بنائیں، فلاں کو نکالیں اور فلاں کے لیے جگہ بنائیں۔
View this post on Instagram
ان کا کہنا تھا کہ انہیں نہ صرف لڑکوں بلکہ لڑکیوں کے لیے بھی کہا جاتا تھا اور لوگ انہیں پھول بھجوا کر ان سے مطالبہ کرتے تھے کہ فلاں لڑکی کو شو کا حصہ بنائیں۔
فریحہ الطاف نے کہا کہ وہ ہمیشہ میرٹ پر ماڈلز کو بھرتی کرنا چاہتی ہیں لیکن انہیں ڈیزائنرز کے علاوہ دوسرے افراد کے بھی فونز آتے رہتے تھے کہ فلاں لڑکے یا لڑکی کو شو کا حصہ بنائیں۔
انہوں نے کہا کہ فیشن اور ماڈلنگ انڈسٹری میں کام کے بدلے نامناسب مطالبات کیے جاتے ہیں اور بعض افراد ایسے مطالبے مان بھی لیتے ہیں۔
ان کا مزید کہنا تھا کہ خصوصی طور پر ماڈلنگ میں لڑکوں کے کام کرنے کے مواقع کم ہوتے ہیں، اس لیے وہ کبھی کبھار سمجھوتہ کرتے ہیں، کیونکہ ان کا خیال ہوتا ہے کہ وہ ماڈلنگ میں آنے کے بعد اداکاری میں چلے جائیں گے۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
