مشہور کامیڈین ہردیپ سنگھ کوہلی کو جنسی جرائم کے الزامات میں گرفتار کر لیا گیا۔

غیر ملکی میڈیا رپورٹ کے مطابق اسکاٹ لینڈ سے تعلق رکھنے والے مشہور کامیڈین ہردیپ سنگھ پر پرانے جنسی جرائم میں ملوث ہونے کا الزام عائد کر کے عدالت میں پیش کیا گیا۔

پولیس کا کہنا ہے کہ مشہور کامیڈین پر جنسی جرائم کے الزامات کے سلسلے میں فرد جرم عائد کی گئی ہے اور انہیں آئندہ سماعت پر پیش ہونے کے حلف نامے پر رہا کر دیا گیا ہے۔

واضح رہے کہ اسکاٹ لینڈ کی پولیس نے گزشتہ ماہ تصدیق کی تھی کہ وہ ہردیپ سنگھ پر عائد الزامات کی تحقیقات کر رہی ہے۔

ہردیپ سنگھ کوہلی کی گرفتاری تحقیقات کے بعد ہوئی جس میں بتایا گیا تھا کہ کئی لوگوں نے کامیڈین کے بارے میں خدشات کا اظہار کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں