پاکستان شوبز انڈسٹری کی مشہور و معروف اداکارہ حریم فاروق نے کہا ہے کہ معاشرے میں لوگوں نے عزت کو خواتین سے جوڑ دیا ہے۔
حال ہی میں اپنے دیے گئے ایک انٹرویو میں اداکارہ حریم فاروق نے بتایا کہ جب انہوں نے شوبز میں آنے کا فیصلہ کیا تو انہیں والدین کے بجائے دوسرے افراد نے بہت کچھ سنایا اور یہ تک کہا کہ جس پروفیشن میں جا رہی ہیں وہاں عزت نہیں ہوتی۔
View this post on Instagram
حریم فاروق نے کہا کہ جب انہوں نے لوگوں کو بتایا کہ وہ اداکارہ بننا چاہتی ہیں تو سب حیران رہ گئے اور انہوں نے طرح طرح کے سوالات کرنا شروع کردیے لیکن ان کے والدین راضی ہوگئے، جس پر انہوں نے کسی اور کی کوئی پرواہ نہیں کی۔
اداکارہ نے بتایا کہ فیلڈ میں آنے کے بعد انہیں مخالفت کا سامنا کرنا پڑا تھا، لیکن انہوں نے لوگوں کی باتوں پر توجہ نہ دی، کیونکہ عزت دینے والا خدا ہوتا ہے، لوگ کون ہوتے ہیں عزت دینے والے؟
ان کا مزید کہنا تھا کہ معاشرے میں لوگوں نے عزت کو خواتین سے جوڑ دیا ہے اور خواتین کے لیے ہی ہر فیلڈ میں عزت کی بات کی جاتی ہے۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
