فضا علی کے نام سے کون واقف نہیں، وہ ایک خوبصورت اور باصلاحیت پاکستانی اداکارہ، میزبان اور گلوکارہ ہیں۔ فضا علی نے مشہور ڈرامہ سیریل مہندی سے کم عمری میں اپنے شوبز کیریئر کا آغاز کیا جس سے انہیں بے پناہ شہرت حاصل ہوئی۔
ان کے مشہور ڈراموں میں مہندی، ساتھ نبھانا ہے، سات سر رشتوں کے، مور محل، لو لائف اور لاہور اور شام ڈھلے شامل ہیں۔
واضح رہے کہ فضا ایک مضبوط کردار کی مالک ہونے کے ساتھ ایک پیاری سی بیٹی کی تنہا ماں کی ذمہ داریا نبھارہی ہیں۔ فضا علی نے اس وقت طلاق لے لی جب ان کی بیٹی فرال بہت چھوٹی تھی۔ فضا اکثر اپنی بیٹی فرال کے ساتھ تصاویر اور انسٹاگرام ریلز شیئر کرتی رہتی ہیں۔ فضا اور ان کی بیٹی کی چند حالیہ انسٹاگرام ریلز کی بنا پر انہیں عوامی تنقید کا سامنا کرنا پڑ رہا ہے۔
View this post on Instagram
فضا علی کواپنی بیٹی فرال کے ساتھ تازہ ترین انسٹاگرام ریلز کی وجہ تنقید کا نشانہ بنایا جارہا ہے اور سوشل میڈیا صارفین نے ایک ماں کی حیثیت سے ان کے پرورش کرنے کے انداز پر سوال اٹھانا شروع کر دیئے ہیں۔
سوشل میڈیا صارفین کا موقف ہے کہ فرال بہت معصوم ہے اسے اداکاری یا سوشل میڈیا سے دور رکھا جائے۔ سوشل میڈیا صارفین کہہ رہے ہیں کہ فضا علی اپنی بیٹی سے فرال کا خوبصورت بچپن نہ چھینیں۔ انہیں دنیا حسینوں کا میلا گانے پر فضا علی کی اوور ایکٹنگ بھی پسند نہیں آئی۔
View this post on Instagram
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
