بالی ووڈ سپر اسٹار شاہ رخ خان نے جنوری 2023 میں پٹھان کے ساتھ اسکرین پر واپسی کی جو کہ بہت کامیاب ثابت ہوئی اور ہزار کروڑ سے زیادہ کا بزنس کیا۔
پٹھان کی کامیابی کے بعد اب، کنگ خان اپنی اگلی فلم جوان کی ریلیز کی تیاری کر رہے ہیں جسے سنسر بورڈ سے سرٹیفیکیشن مل گئی ہے۔
THE COUNTDOWN BEGINS – SHAH RUKH KHAN’S JAWAN CERTIFIED U/A!#ShahRukhKhan is all set to get back to the screen with #Jawan. The film has been certified U/A with an approved runtime of 2 hours 49 mins (169 Mins, 14 Secs). The #Atlee directorial is all set for Sept 7 release pic.twitter.com/I3fLM2ri1C
— Himesh (@HimeshMankad) August 22, 2023
نئی رپورٹس کے مطابق جوان کو سنسر بورڈ آف فلم سرٹیفیکیشن (CBFC) سے U/A (بالغوں کی نگرانی میں) سرٹیفکیٹ مل گیا ہے۔
اس کا رن ٹائم 2 گھنٹے 49 منٹ ہے، یعنی یہ تقریباً 169 منٹ اور 14 سیکنڈ لمبی فلم ہے جو کہ فلم پٹھان کے دورانیئے سے زیادہ ہے۔
جوان کی ہدایت کاری مقبول تامل ہدایت کار ایٹلی کمار نے کی ہے اور اس فلم میں شاہ رخ ڈبل رول میں نظر آئیں گے جن میں سے ایک منفی کردار بھی ہوگا۔
اس کے علاوہ نینتھارا، وجے سیتھوپتی، سانیا ملہوترا، سنیل گروور، پریامانی اور دیگر اہم کردار ادا کرتے نظر آئیں گے اور دیپیکا اسپیشل اپیئرنس میں نظر آئیں گی۔
جوان 7 ستمبر کو تھیٹر میں ہندی اور ڈب شدہ تامل اور تیلگو ورژن میں ریلیز ہونے والی ہے اور اب تک، بنانے والوں نے فلم کے ایک پریویو، کئی پوسٹرز کے ساتھ ساتھ دو گانے بھی جاری کیے ہیں۔ ان سب کو شائقین کی جانب سے خوب پذیرائی ملی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
