کراچی سے تعلق رکھنے والی24 سالہ ایریکا رابن پہلی بار دبئی میں منعقد کیے جانے والے مقابلہ حسن میں مس یونیورس پاکستان منتخب ہوگئی ہیں۔
ایریکا رابن نئی مس یونیورس پاکستان 2023 کا ٹائٹل جیتنے اور بین الاقوامی مقابلہ حسن میں ٹیم گرین کی نمائندگی کرنے والی پہلی خاتون بن گئی ہیں۔
ایونٹ کے منتظمین کا کہنا ہے کہ دنیا بھر سے کم از کم 200 حسیناؤں نے درخواست دی تھی تاہم خوش قسمتی سے یہ قرعہ اریکا رابن کے نام نکلا اور انہوں نے یہ پوزیشن حاصل کر لی ہے واضح رہے کہ اب وہ عالمی مس یونیورس مقابلے میں پاکستان کی نمائندگی کریں گی، جو اس سال ایل سلواڈور میں منعقد ہونے والا ہے۔
مس یونیورس پاکستان 2023 کےلیے ٹاپ 5 فائنلسٹ میں کراچی سے 24 سالہ ایریکا رابن، لاہور سے 24 سالہ حرا انعام، راولپنڈی سے 28 سالہ جیسکا ولسن، امریکی نژاد پاکستانی ریاست پنسلوانیا سے 19سالہ ملیکہ علوی اور پنجاب سے 26 سالہ سبرینا وسیم شامل تھیں۔
رابن نے پہلی مس یونیورس پاکستان بننے پر بے حد شکریہ ادا کیا اور انہوں کہا کہ وہ پاکستان کا مثبت امیج اجاگر کرنے کے لیے اس مقابلے کا حصہ بنی ہیں، وہ چاہتی ہیں پوری دنیا پاکستان کی ثقافت سے روشناس ہو۔
View this post on Instagram
انہوں نے مزید کہا کہ میں سب کو دعوت دیتی ہوں کہ پاکستان آکر یہاں کی ثقافت اور مہمان نوازی سے لطف اندوز ہوں۔ ہر سال مقابلہ حسن میں دنیا بھر سے خوبصورت، نوجوان حسیناؤں کے ساتھ اب پاکستان کی ماڈلز بھی حصہ لے سکیں گی۔
View this post on Instagram
واضح رہے کہ مِس یونیورس کے مقابلے میں حصہ لینے ماڈلز کو ایسے ملبوسات پہن کر اپنی نمائش کرنی ہوتی ہے جو پاکستان کے روایتی معاشرے میں قابل اعتراض سمجھا جاتا ہے ۔ شاید اسی لئے آج تک کبھی براہِ راست پاکستان سے کوئی ماڈل اس مقابلہ حسن میں شریک نہیں ہوئی۔
حال ہی میں مس یونیورس مقابلے میں حصہ لینے والی ماڈلز کی تصویریں دیکھ کر پاکستان کا مذہبی طبقہ ابھی سے سیخ پا ہوگیا ہے۔آنے والے دنوں میں یہ دیکھنا دلچسپ ہوگا کہ مقابلہ حسن میں شریک ہونے والی ماڈلز کی معاشرتی آزادی کو کس حد تک قابلِ قبول سمجھاجاتا ہے۔
View this post on Instagram
اس عظیم کامیابی کے باوجود، پاکستانی عالم دین اور نگراں حکومت نے خود کو مقابلے اور مقابلہ کرانے والوں سے الگ کر لیا ہے اور نہ ہی حکومت نے “مس یونیورس کے مقابلہ حسن میں ملک کی نمائندگی کے لیے کسی فرد کو نامزد کیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
