بالی ووڈ کی مشہور فلم “3 ایڈیٹس” کے معروف اداکار اکھیل مشرا چل بسے۔
بھارتی میڈیا رپورٹس کے مطابق اداکار اکھیل مشرا نے “3 ایڈیٹس” میں لائبریرین کا کردار ادا کیا تھا، اداکار کی موت اپنے گھر کے کچن میں گِر کر ہوئی۔
میڈیا سے گفتگو کرتے ہوئے اداکار کے ایک قریبی دوست کا کہنا ہے کہ اکھیل شرما بلڈ پریشر کے مسائل کی وجہ سے گزشتہ کچھ عرصے سے بیمار تھے۔
ان کا کہنا تھا کہ وہ کچن میں اسٹول پر کچھ کرنے کی کوشش کر رہے تھے کہ جب مبینہ طور پر وہ نیچے گِرے اور ان کے سر میں چوٹ لگی۔
اکھیل شرما کو خون میں لت پت حالت میں اسپتال لے جایا گیا جہاں ڈاکٹروں کی کوششوں کے بعد بھی وہ زندہ نہیں بچ سکے اور چند گھنٹوں بعد ہی دم توڑ گئے۔
رپورٹس کے مطابق اداکار کی لاش کو پوسٹ مارٹم کے لیے بھجوادیا گیا ہے۔
واضح رہے کہ اکھیل مشرا نے ‘تھری ایڈیٹس’ اور ‘ڈان’ جیسی کئی نامور بالی ووڈ فلموں سمیت انڈین ڈراموں میں بھی کام کیا ہے۔
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
