عالیہ بھٹ کا شمار بالی ووڈ کی کامیاب اور مقبول اداکاراؤں میں ہوتا ہے۔ اپنے پورے کیریئر کے دوران، انہوں نے تعریفی پرفارمنس دی ہیں۔

ذاتی محاذ پر، عالیہ بھٹ نے دو سال قبل رنبیر کپور کے ساتھ شادی کی تھی اور اب یہ دونوں ایک پیاری سی بچی راہا کے والدین ہیں۔ تاہم، اپنی شادی سے پہلے، اداکارہ کو ایک اداکار بہت زیادہ پسند تھا جن کے ساتھ انہوں نے پہلے بھی کام کیا تھا لیکن وہ ان کا شوہر نہیں تھا۔

ایک انٹرویو کے دوران عالیہ بھٹ سے پوچھا گیا کہ ان کا پہلا سلیبرٹی کرش کون تھا؟ اس سوال کے جواب میں انہوں نے شاہ رخ خان کا نام لیا۔

خیال رہے کہ شاہ رخ خان اور عالیہ دونوں نے ماضی میں گوری شندے کی فلم ڈیئر زندگی میں ایک ساتھ کام کیا ہے۔ کنگ خان نے عالیہ اور رنبیر کپور کی فلم برہمسترا میں بھی ایک خاص کردار ادا کیا ہے اور، انہوں نے بطور پروڈیوسر اداکارہ کی پہلی فلم ڈارلنگز میں بھی تعاون کیا۔

اس سے قبل کافی ود کرن کے ایک ایپی سوڈ میں عالیہ بھٹ کنگ خان کے ساتھ نظر آئی تھیں جہاں انہوں نے ان کی تعریف کی اور کہا کہ “اگرچہ میں کسی سے بھی ڈیٹنگ کر رہی ہوں، دوسرے مردوں کو پرکشش سمجھنا ٹھیک ہے۔ خاص طور پر اگر وہ آدمی شاہ رخ ہے۔ جب سے میں انہیں جانتی ہوں، میں ہمیشہ ان سے پیار کرتی ہوں۔” کرن جوہر نے مزید کہا، ’’میں جانتا ہوں۔ تم شروع سے ہی ان کو پسند کرتی ہو۔‘‘

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں