بالی وڈ کی معروف اداکارہ پرینیتی چوپڑا اور بھارتی سیاست داں راگھو چڈھا کی شادی کی تقریب کی ویڈیوز وائرل ہو گئیں۔
سوشل میڈیا پر اداکارہ کی مایوں کی ویڈیو وائرل ہو رہی ہے جس میں اداکارہ پرینیتی کوگلابی لباس جبکہ راگھو کو آف وائٹ کمیز شلوار میں دیکھا جا سکتا ہے۔
View this post on Instagram
یاد رہے پرینیتی اور راگھو چڈھا کی شادی میں شرکت کے لیے بھارت سمیت بیرون ممالک سے مہمان راجستھان کے شہر ادے پور پہنچے تھے۔
اداکارہ پرینیتی چوپڑا اور راگھو چڈھا کی شادی کی تقریبات تاریخی مقام دی لیلا پیلس پر منعقد کی گئیں۔
شادی کی تقریبات پچھلے کچھ دنوں سے جاری تھیں جن میں اُن کی مہندی، ہلدی، محفلِ موسیقی سمیت دیگر تقریبات کا انعقاد کیا گیا تھا۔
دلچسپ یہ کہ راگھو چڈھا اپنی دلہن پرینیتی کو لینے کے لیے تاج جھیل پیلس سے لیلا پیلس تک کشتیوں پر سوار ہو کر بارات لائے تھے۔
View this post on Instagram
دوسری جانب بالی وڈ کی معروف اداکارہ اور پرینیتی کی کزن پریانکا چوپڑا اور ان کے شوہرنک جونس نے شادی میں شرکت نہیں کی تھی البتہ اداکارہ پریانکا کی والدہ اور بھائی نے پرینیتی کی شادی میں شرکت کی تھی۔
جبکہ اداکارہ پرینیتی کی شادی کی تقریب میں ٹینس اسٹار ثانیہ مرزا، ہربھجن سنگھ اور منیش ملہوترا سمیت دیگر بالی وڈ شخصیات نے بھی شرکت کی تھی۔
View this post on Instagram
اداکارہ پرینیتی کی شادی کا جوڑا معروف سلیبریٹی ڈیزائنر منیش ملہوترا نے تیار کیا تھا۔
اداکارہ کی شادی کی دیگر تصاویر اور ویڈیوز بھی سوشل میڈیا پر وائرل ہوئیں جس میں دیکھا جاسکتا ہے کہ اداکارہ نے شادی پر گولڈ اور آف وائٹ رنگ کا عروسی لباس پہنا۔
پرینیتی نے تصاویر شیئر کرتے ہوئے لکھا کہ ’ناشتے کی میز پر پہلی ہی گپ شپ سے ہمارے دلوں کو معلوم ہو گیا تھا کہ ہم ایک طویل عرصے سے اس دن کا انتظار کر رہے تھے۔
View this post on Instagram
تاہم شادی کے بعد مختصر پارٹی کا انعقاد کیا گیا جس میں پرینیتی کو گلابی ساڑھی میں دیکھا گیا جبکہ راگھو چڈھا سیاہ کوٹ پینٹ اور سفید شرٹ پہنے ہوئے نظر آئے۔
View this post on Instagram
واضح رہے کہ پرینیتی چوپڑا اور راگھو چڈھا نے کچھ عرصہ تعلقات میں رہنے کے بعد رواں برس مئی کے آغاز میں منگنی کی تھی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
