شاہ رخ خان کی اہلیہ اور نامور انٹیرئیر ڈیزائنر گوری خان آج اپنی 53 ویں سالگرہ منا رہی ہیں۔
بالی وڈ کے سپراسٹار شاہ رخ خان نے گوری خان سے 1991 میں شادی کی تھی ، ان کے تین بچے آریان خان، سہانا خان اور ابرام خان ہیں۔
بھارتی فلم انڈسٹری میں تین دہائیوں سے راج کرنے والے شاہ رخ خان کو ’بالی ووڈ کا بادشاہ‘ اور’کنگ خان‘ بھی کہا جا تا ہے۔
View this post on Instagram
بھارتی میڈیا پر گوری خان کی سالگرہ کے موقع پر ان کے ایک پرانے انٹرویو کا کلپ کا فی وائرل ہورہا ہے جس میں اُنہوں نے کہا تھا کہ وہ چاہتی تھیں کہ شاہ رخ خان کی تمام فلمیں فلاپ ہو جائیں۔
انٹرویو میں گوری خان نے اس کی وجہ بتاتے ہو ئے کہاکہ ان کی شادی کم عُمری میں ہوگئی تھی اورجب وہ شاہ رخ خان کے ساتھ ممبئی آئیں تو یہاں آکر وہ زیادہ خوش نہیں تھیں۔
View this post on Instagram
انہوں نے کہا کہ اُن کے لئے پہلی بار ممبئی آنا اور پھر شوبز کی دنیا وغیرہ، یہ سب کچھ نیا اور حیران کُن تھا، انہیں اپنے گھر کی بہت یاد آتی تھی، ممبئی آکر بالکل خوش نہیں تھیں۔
View this post on Instagram
گوری خان نے مزید کہا کہ انہیں ایسا لگتا تھا کہ اگر فلمیں فلاپ ہوجائیں گی تو وہ دونوں واپس دہلی اپنے گھر چلے جائیں گے، لیکن شاہ رخ خان بالی ووڈ کے سپر اسٹار ہی بن گئے۔
واضح رہےکہ گزشتہ ماہ 7 ستمبر کو شاہ رخ خان کی میگا تھرلر ایکشن فلم ‘جوان’ ریلیز ہوئی جو اب تک ناصرف باکس آفس پر چھائی ہوئی ہے بلکہ اس نے دنیا بھر میں ایک ہزار کروڑ کا بزنس بھی کر لیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
