بالی وڈ کی اداکارہ کرینہ کپور خان نے آنے والی نئی میگا ایکشن فلم سنگھم اگین میں اپنے کردار ’اونی باجی راؤ سنگھم‘ کی پہلی جھلک شیئر کی ہے۔

بالی وڈ میں بیبو کے نام سے مشہو کرینہ کپور نے انسٹا گرام پر یہ پوسٹ شیئر کرتے ہوئے کیپشن میں لکھا کہ ’سخت، مضبوط اور سنگھم کی طاقت! اونی سنگھم سے ملیے ‘۔

خطروں کے کھلاڑی اکشے کمار نے بھی انسٹا گرام پر اپنے کردار کو متعارف کرواتے ہوئے کیپشن میں لکھا کہ ’ آئیلا رے آئیلا، سوریاونشی آئیلا’ یہ ’اے ٹی ایس چیف ویر سوریاونشی‘ کے داخلے کا وقت ہے۔ کیا آپ تیار ہیں؟‘۔

اس سے قبل سپراسٹار اجے دیوگن نے انسٹاگرام پر ایک پوسٹر شئیر کیا اور ساتھ ہی انہوں نے لکھا کہ ’میرے پولیس اسکواڈ کا سب سے بدنام افسر، رنویر سنگھ بحیثیت انسپکٹر سنگرام بھالراؤ عرف سمبا، جوکہ پہلے سے زیادہ متاثر کن اور مضبوط نظر آرہا ہے‘۔

اس فلم میں اکشے کمار، اجے دیوگن، رنویر سنگھ، کرینہ کپور، دیپیکا پڈوکون ، ٹائیگر شیروف اور شویتا تیواری بھی شامل ہیں۔

اس سے قبل دیپیکا پڈوکون نے انسٹاگرام پر فلم سنگھم اگین کے اپنے  متاثر کن کردار پولیس آفیسر ’شکتی شیٹی‘ کا تعارفی روپ شیئر کیا تھا۔

واضح رہےکہ سنگھم 2011 میں ریلیز ہوئی، جس میں کاجل اگروال، اجے دیوگن اور پرکاش راج نے مرکزی کردار ادا کیاتھا۔

اس کے بعد 2014 میں سنگھم ریٹرنز آئی ، جس میں اجے دیوگن کے ساتھ کرینہ کپور نے مرکزی کردارادا کیااور اب 2024 کی دیوالی پر’سنگھم اگین‘ سینما گھروں میں نمائش کے لیے پیش کی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں