پاکستان شوبز انڈسٹری کے مشہور و معروف اداکار عثمان خالد بٹ نے کہا ہے کہ ٹائم میگزین کا ’پرسن آف دی ایئر‘ کا اعزاز امریکی گلوکارہ ٹیلر سوئفٹ کو نہیں بلکہ فلسطینیوں کو ملنا چاہیے تھا۔
اداکار نے سماجی رابطے کی ویب سائٹ ایکس پر ٹائم میگزین کی جانب سے ٹیلر سوئفٹ کو ’پرسن آف دی ایئر‘ کا اعزاز دیے جانے پر لکھا کہ ٹائم میگزین کا ’پرسن آف دی ایئر‘ فلسطینی صحافیوں، ڈاکٹروں اور عام شہریوں کو ہونا چاہیے تھا جنہوں نے نسل کشی کا مقابلہ کرتے ہوئے ناقابلِ یقین جرأت کا مظاہرہ کیا۔
Time’s Person of the Year should have been Palestinian journalists, doctors and civilians who’ve shown incredible courage, grace & resilience in the face of a genocide –
if 2022 could go to Zelensky and the ‘spirit of Ukraine’, what of the spirit of Palestine?@TIME— Osman Khalid Butt (@aClockworkObi) December 5, 2023
ان کا کہنا تھا کہ اگر 2022ء میں یہ اعزاز روس کے خلاف جنگ میں صدر ولودومیر زیلنسکی اور یوکرین کے جذبے کو دیا جا سکتا ہے تو فلسطین کے جذبے کا کیا ہوگا؟
واضح رہے کہ ٹائم میگزین نے گلوکارہ ٹیلر سوئفٹ کو 2023ء کی بہترین شخصیت قرار دیا ہے۔
