مراٹھی اداکار رویندرا بردے رویندرا برسوں سے گلے کے کینسر کے باعث بدھ کی صبح انتقال کر گئے، وہ 78 برس کے تھے جو گزشتہ چند ماہ سے ٹاٹا اسپتال میں زیر علاج تھے۔
رپورٹ کے مطابق، اداکار کو دو دن پہلے ڈسچارج کیا گیا تھا تاہم بدھ کی صبح اداکار کو ممبئی میں اپنی رہائش گاہ پر دل کا دورہ پڑا جس کے بعد وہ انتقال کر گئے۔
اداکار کو انیل کپور کی نائک: دی ریئل ہیرو (2001) اور روہت شیٹی کی سنگھم جیسی اہم فلموں میں اپنے کرداروں کے لیے جانا جاتا ہے جہاں انہوں نے زمیندار چندرکانت کا کردار نبھایا تھا۔
انہوں نے اپنے آنجہانی بھائی، اداکار لکشمی کانت بردے کے ساتھ ایک کامیاب آن اسکرین پارٹنرشپ کا اشتراک بھی کیا، جس نے ایک ساتھ متعدد ہٹ فلمیں پیش کیں۔
1995 میں ایک ڈرامے کے دوران دل کا دورہ پڑنے اور 2011 میں کینسر کی تشخیص سمیت صحت کی خرابیوں کے باوجود، رویندرا بردے اپنے اداکاری کے جذبے سے بے نیاز رہے اور سامعین کو محظوظ کرتے رہے۔
انہوں نے ٹیلی ویژن اور فلموں میں کام کرنے سے پہلے 1965 میں تھیٹر میں اپنے کیریئر کا آغاز کیا۔
اپنے شاندار کیریئر کے دوران، وہ 300 سے زیادہ مراٹھی فلموں میں نظر آئے، جس میں اشوک صراف، وجے چوان، مہیش کوٹھارے، وجو کھوٹے، سدھیر جوشی، اور بھرت جادھو جیسے معزز اداکاروں کے ساتھ اسکرین کا اشتراک کیا۔
