پاکستان شوبز انڈسٹری کی مشہور و معروف اداکارہ عائشہ عمر اپنے حالیہ بیان کی وجہ سے تنقید کی زد میں آ گئیں۔
کچھ عرصہ قبل عائشہ عمر نے اپنے دیے گئے ایک انٹرویو میں لوگوں کو یومیہ بیکنگ سوڈا کا پانی پینے کا مشورہ دیا تھا جس کے بعد انہیں تنقید کا نشانہ بنایا جا رہا ہے۔
View this post on Instagram
فٹنس کی بات کرتے ہوئے انہوں نے دعویٰ کیا تھا کہ وہ یومیہ پینے کے پانی میں بیکنگ سوڈا ملا کر پیتی ہیں۔
انہوں نے مداحوں کو مشورہ دیا کہ جن افراد کو تیزابیت کا مسئلہ ہے، وہ یومیہ بیکنگ سوڈا کا پانی پئیں۔
ان کا کہنا تھا کہ کھیرے سمیت دیگر پھلوں اور سبزیوں کا جوس بنانا مشکل کام ہوتا ہے، اس لیے جن کو تیزابیت کا مسئلہ ہو وہ یومیہ دن میں دو دفعہ پانی میں بیکنگ سوڈا ملا کر پئیں۔
View this post on Instagram
عائشہ عمر کی جانب سے لوگوں کو بیکنگ سوڈا کا پانی پینے کا مشورہ دیے جانے کے بعد انہیں تنقید کا نشانہ بھی بنایا گیا اور صارفین نے لکھا کہ اداکارہ کے مشورے کسی کے لیے صحت کے سنگین مسائل بھی پیدا کرسکتے ہیں۔
یاد رہے کہ بیکنگ سوڈا ایک خصوصی پاؤڈر ہے، جسے مختلف کھانوں اور غذاؤں کی تیاری میں استعمال کیا جاتا ہے۔
