اپنی سحر انگیز آواز کے باعث بین الاقوامی شہرت کے حامل پاکستانی گلوکار عاطف اسلم اکثر اپنے مثالی اقدام اور فن کے باعث خبروں میں رہتے ہیں۔
گزشتہ روز نامور گلوکار نے انسٹاگرام پر ایک ویڈیو جاری کی ہے جس میں انہیں سنا جا سکتا ہے لیکن ان کا مکمل چہرہ نظر نہیں آرہا ، مداحوں کے لئے ان کے سائیڈ پوز سے انہیں پہچاننا مشکل نہیں۔
عاطف اسلم نے اس پوسٹ کے کیپشن میں ’نیو ریلیز‘ لکھا جبکہ ویڈیو کے اختتام پر اسکرین پر ’زندگی‘ لکھا ہوا نمایاں ہے، جو کہ ممکنہ طور پر ان کی نئی البم کا نام ہوسکتا ہے۔
ویڈیو میں عاطف اسلم اپنی مسحور کن آواز میں ایک دل چھو لینے والی غزل پڑھتے بھی سنائی دیتے ہیں۔
رواں سال عاطف اسلم نے دنیا بھر میں کنسرٹ کیے اور اس حوالے سے ان کی مداحوں سے ملاقات کی ویڈیوز بھی سوشل میڈیا پر گردش کرتی رہیں۔
امریکا میں کنسرٹ کے دوران انہوں نے نوے کی دہائی کے مقبول ترین پاکستانی میوزیکل بینڈ جنون کا ہٹ گانا ’ سیونی ‘ گا کر محفل ہی لوٹ لی تھی۔
کنسرٹ میں موجود سینکڑوں شائقین ان کی گائیکی کو پسند کرتے ہوئے جھوم اٹھے۔
وائرل ویڈیو:
سوشل میڈیا صارفین کی جانب سے بھی اس وائرل ویڈیو کو بہت پسند کیا گیا اور عاطف اسلم کی اس مشہورِ زمانہ گانے پر شاندار پرفارمنس کی خوب تعریفیں کی گئی ۔
یہ بھی پڑھیں: عاطف اسلم نے غزہ کے مظلوموں کیلئے خطیر رقم عطیہ کر دی
