پاکستان شوبز انڈسٹری کی نامور اداکارہ اور کامیاب ماڈل نوشین شاہ نے شادی نہ کرنے کا طعنہ دینے والوں کو کھری کھری سنا دیں۔
حال ہی میں لاہور میں منعقدہ تین روزہ برائیڈل فیشن ویک میں نوشین شاہ نے نامور فیشن ڈیزائنر علی ذیشان کا تیار کردہ عروسی جوڑا پہن کر ریمپ پر واک کی۔
View this post on Instagram
سوشل میڈیا پر ان کی یہ ویڈیو پوسٹ ہوتے ہی ایک طرف لاتعداد افراد نے ان کے لئے اپنی پسندیدگی کا اظہار کیا تو دوسری جانب کچھ صارفین ایسے بھی تھے جنہوں نے ان کی بڑھتی عمر کے ساتھ تاحال شادی نہ کرنے اور عروسی جوڑا پہن کر دلہن کا روپ دھار کر ماڈلنگ کرنے پر تنقید کی۔
ایک صارف نے لکھا کہ مجھے ان اداکاراؤں کے لیے افسوس ہے، ان میں سے بہت سی شادی نہیں کرتیں اور صرف عروسی ملبوسات کی ماڈلنگ کرتی رہتی ہیں۔
اس تبصرے کو دیکھنے کے بعد نوشین شاہ نے صارف کو آڑے ہاتھوں لے لیا۔
View this post on Instagram
انہوں نے کرارا جواب دیتے ہوئے لکھا کہ جب ہم ایک دوسرے کو نہیں جانتے تو براہ مہربانی ہمارے لیے افسوس نہ کیجئے، کسی کی شادی ہونا یا نہ ہونا اللہ تعالیٰ کے ہاتھوں میں ہے، اسی نے ہم سب کو جوڑوں میں پیدا کیا ہے۔
اداکارہ نوشین شاہ کی بلیک ڈریس میں شرمناک تصاویر وائرل
