اپنی سحر انگیز آواز کے باعث بین الاقوامی شہرت کے حامل پاکستانی گلوکار عاطف اسلم اکثر اپنے مثالی اقدام اور فن کے باعث خبروں میں رہتے ہیں۔
گزشتہ روز نامور گلوکار کا نیا گانا ’زندگی‘ جاری کیا گیا ہے جوکہ ناصرف آتے ہی چھا گیا بلکہ مداحوں کو بھی بے حد پسند آرہا ہے۔
ٹی وی ڈراموں کی نامور اداکارہ صبور علی اور عاطف اسلم اس گانے میں رومانوی رنگ بکھیرتے نظر آرہے ہیں جبکہ اس میں خوشی کے ساتھ ساتھ غم کا عنصر بھی نمایاں ہے۔
View this post on Instagram
حال ہی میں عاطف اسلم نے اس حوالے سے ایک پوسٹ کی تھی ، جس کے کیپشن میں انہوں نے ’نیو ریلیز‘ لکھ کر اعلان کیا تھا۔
اس ویڈیو میں عاطف اسلم اپنی مسحور کن آواز میں ایک دل چھو لینے والی غزل پڑھتے بھی سنائی دیتے ہیں۔
View this post on Instagram
رواں سال عاطف اسلم نے دنیا بھر میں کنسرٹ کیے اور اس حوالے سے ان کی مداحوں سے ملاقات کی ویڈیوز بھی سوشل میڈیا پر گردش کرتی رہیں۔
امریکا میں کنسرٹ کے دوران انہوں نے نوے کی دہائی کے مقبول ترین پاکستانی میوزیکل بینڈ جنون کا ہٹ گانا ’ سیونی ‘ گا کر محفل ہی لوٹ لی تھی۔
کنسرٹ میں موجود سینکڑوں شائقین ان کی گائیکی کو پسند کرتے ہوئے جھوم اٹھے۔
وائرل ویڈیو:
View this post on Instagram
سوشل میڈیا صارفین کی جانب سے بھی اس وائرل ویڈیو کو بہت پسند کیا گیا اور عاطف اسلم کی اس مشہورِ زمانہ گانے پر شاندار پرفارمنس کی خوب تعریفیں کی گئی ۔
یہ بھی پڑھیں: عاطف اسلم نے غزہ کے مظلوموں کیلئے خطیر رقم عطیہ کر دی
View this post on Instagram
