پاکستان شوبز انڈسٹری کی با صلاحیت اداکارہ صرحا اصغر کی تھائی لینڈ میں ’اسکائی ڈائیونگ‘ کرتے ہوئے ویڈیو سوشل میڈیا پر وائرل ہوگئی ہے۔
صرحا اصغر نے انسٹا گرام پر اپنی مختلف ویڈیوز پوسٹ کی ہیں ، جن میں دیکھا جا سکتا ہےکہ وہ اپنے دوستوں کے ساتھ سنسنی خیز انداز میں بلا خوف اسکائی ڈائیونگ سے لطف اندوز ہو رہی ہیں ۔
View this post on Instagram
اداکارہ نے سوشل میڈیا پر اپنے اس تجربے کو حیرت انگیز قرار دیا ہے۔
View this post on Instagram
واضح رہے کہ حال ہی میں سوشل میڈیا پر ایک خبر گردش کر رہی تھی کہ اداکارہ صرحا اصغر کو ایک نامعلوم شخص کی جانب سے ہراسانی کا نشانہ بنایا گیا تھا اور ساتھ ہی اس شخص نے اداکارہ کے ساتھ دست درازی بھی کی جس کے نتیجے میں ان کے کپڑے پھٹ گئے تھے۔
صرحا اصغر اپنے ساتھ پیش آنے والے اس ہولناک واقعے کے بعد میڈیا پر سیخ پا ہو گئی تھیں ۔
انوہں نے اپنی انسٹاگرام اسٹوری میں لکھا کہ اپنے شو کی ریٹنگ کیلئے مجھے اور میرے شوہر کو میسج کرنا بند کریں۔
انہوں نے لکھا کہ اللہ کے فضل سے ہم دونوں محفوظ ہیں، ہمیں بار بار انٹرویو کیلئے کال کرنے اور نجی معلومات شئیر کرنے پر آپ لوگوں کو شرم آنی چاہیے۔
اداکارہ نے لکھا کہ ان تمام میڈیا والوں کو بھی شرم آنی چاہیے جنہوں نے اپنی خبروں میں واقعے کے ساتھ ہماری نجی معلومات منسلک کی ہیں۔
واضح رہےکہ صرحا اصغر نے اپنے دوست عمر مرتضیٰ سے سال 2020 میں شادی کی تھی جس کے بعد اس جوڑے کے ہاں نومبر 2022 میں ایحان مرتضیٰ نے جنم لیا۔
