پاکستان شوبز انڈسٹری کی مشہور و معروف اداکارہ سجل علی میک اپ آرٹسٹ عدنان انصاری کا ہاتھ تھام کر کیک کاٹنے پر تنقید کی زد میں آ گئیں۔
گزشتہ ہفتے سجل علی نے اپنی سالگرہ منائی اور ان کی سالگرہ کے موقع پر میک اپ آرٹسٹ عدنان انصاری نے کیک کا اہتمام کیا۔
کیک کاٹنے کی ویڈیو عدنان انصاری نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر شیئر کی۔
View this post on Instagram
شیئر کی گئی ویڈیو میں دیکھا جاسکتا ہے کہ سجل علی عدنان انصاری کا ہاتھ تھام کر کیک کاٹ رہی ہیں جبکہ میک اپ آرٹسٹ نے اداکارہ کے سر کو بھی چوما۔
یہ ویڈیو سوشل میڈیا پر وائرل ہوگئی اور صارفین نے اداکارہ اور میک اپ آرٹسٹ دونوں کو تنقید کا نشانہ بنایا۔
بعض مداحوں نے ان کی تعریف کرتے ہوئے ان کی حمایت بھی کی اور انہیں تجویز دی کہ وہ لوگوں کے منفی کمنٹس پر توجہ نہ دیں۔
View this post on Instagram
