پاکستان شوبز انڈسٹری کی مشہور و معروف اداکارہ طوبیٰ انور نے کہا ہے کہ خواتین خوبصورت عورتوں یا لڑکیوں کی کم تعریفیں کرتی ہیں۔
حال ہی میں اپنے دیے گئے ایک انٹرویو میں اداکارہ طوبیٰ انور کا کہنا تھا کہ جب وہ گھر سے ماسک یا نقاب پہن کر نکلتی ہیں تو لوگ انہیں ان کی آنکھوں اور آواز سے بھی پہچان لیتے ہیں۔
View this post on Instagram
انہوں نے کہا کہ ایک شخص نے انہیں کہا کہ وہ کوئی بھی شخص اداکارہ کی آنکھوں میں آنکھیں ملا کر ان سے جھوٹ نہیں بول سکتا، کیوں کہ ان کی آنکھیں بہت گہری ہیں، ایسا لگتا ہے کہ وہ ان کے اندر کی باتیں بھی جان لیں گی اور وہ روح میں اتر جائیں گی۔
ان کا کہنا تھا کہ وہ خواتین کی جانب سے اپنی تعریف کی باتیں یاد نہیں رکھتیں اور خواتین کی تعریفوں کی باتیں یاد بھی نہیں رکھنی چاہئیے۔
طوبیٰ انور کے مطابق عام طور پر خواتین خوبصورت لڑکیوں یا عورتوں کی تعریفیں نہیں کرتیں اور اگر کرتی بھی ہیں تو بہت کم کرتی ہیں۔
View this post on Instagram
خواتین کی جانب سے عورتوں کی تعریف نہ کیے جانے کے سوال پر انہوں نے بتایا کہ انہیں نہیں معلوم کہ ایسا کیوں ہے لیکن بہت کم خواتین دوسری عورتوں کی تعریفیں کرتی ہیں۔
اداکارہ کا کہنا تھا کہ لیکن جب کوئی خاتون کسی عورت کی خوبصورتی کی تعریف کرتی ہے تو وہ تعریف کسی اور طرح کی ہوتی ہے جب کہ مرد کی تعریف کی تشریح اور انداز مختلف ہوتا ہے۔
انہوں نے مزید کہا کہ وہ ان خواتین میں سے نہیں ہیں جو خوبصورت عورتوں کی تعریفیں کرنے سے گریز کرتی ہیں بلکہ وہ کھل کر خوبصورتی کی تعریف کرتی ہیں۔
View this post on Instagram
