فلم اسٹار میرا نے کہا ہے کہ 8 فروری کو خواتین اپنے پسندیدہ لیڈر کو ووٹ دیکر اپنے حق کا استعمال کریں۔
حال ہی میں اداکارہ میرا نے سماجی رابطے کی ویب سائٹ ایکس (ٹوئٹر) پر اپنے جاری کردہ ایک ویڈیو میں کہا کہ میں اپنی فیملی کے ہمراہ نیویارک میں موجود ہوں اور یہاں بھی الیکشن کا سماں ہے، میری فیملی میں بھی سب 8 فروری کو پاکستان میں ہونے الیکشن کے حوالے سے گفتگو کررہے ہیں۔
Meera’s election appeal pic.twitter.com/XZynapLg5A
— Murtaza Ali Shah (@MurtazaViews) February 2, 2024
انہوں نے کہا کہ میں اپنے والد صاحب کے ساتھ یہی گفتگو کررہی تھی کہ پاکستانی خواتین کو لازمی ووٹ ڈالنا چاہیے کیونکہ معاشرے کی تبدیلی میں خواتین کا کردار بہت اہم ہوتا ہے۔
ان کا کہنا تھا کہ خواتین آپ اپنی فیملیز کے ہمراہ 8 فروری کو لازمی ووٹ ڈالیں، اپنے پسندیدہ لیڈر کو ووٹ دیں اور اپنے حق کا استعمال کریں۔
اداکارہ میرا نے کہا کہ ووٹ ڈالنا آپ کا حق ہے، آپ ہی اپنے ووٹ کے ذریعے پاکستان اور اپنا مستقبل تبدیل کرسکتی ہیں لہٰذا میری اپیل ہے کہ آپ لازمی ووٹ ڈالیں۔
انہوں نے کہا کہ یہاں موسم بہت زبردست ہے، میرے گھر میں خواتین کھانا پکا رہی ہیں جبکہ میرے والد صاحب جامن کھا رہے ہیں کیونکہ وہ شوگر کے مریض ہیں۔
فلم اسٹار نے پاکستان کی خواتین سے مخاطب ہوتے ہوئے مزید کہا کہ آپ بھی اپنی صحت کا خیال رکھیں، اپنے مستقبل اور پاکستان کا بھی خیال رکھیں۔
View this post on Instagram
