اپنی فرضی موت کی خبر سوشل میڈیا پر شیئر کئے جانے کی وجہ سے بھارتی اداکارہ و ماڈل پونم پانڈے کے خلاف ہتک عزت کا مقدمہ درج کرلیا گیا ہے۔
غیر ملکی خبر رساں ادارے کی رپورٹ کے مطابق سروائیکل کینسر کے حوالے سے آگاہی پیدا کرنے کے لئے پونم پانڈے نے اپنے سوشل میڈیا کے ذریعے اپنی جھوٹی موت کی خبر شیئر کی تھی اور بعد میں اپنے اس اقدام کی صفائی پیش کرتے ہوئے ایک ویڈیو بھی شیئر کی تھی۔
View this post on Instagram
اس اسٹنٹ کی وجہ سے بھارتی اداکارہ کو بہت زیادہ تنقید کا نشانہ بنایا گیا اور ان کے خلاف قانونی کارروائی کرنے کا بھی مطالبہ کیا گیا تھا۔
اس حوالے سے تازہ ترین رپورٹس کے مطابق اداکارہ اور ان کے شوہر سام بمبئی کے خلاف ان کے پبلسٹی اسٹنٹ پر 100 کروڑ روپے کا ہتک عزت کا مقدمہ دائر کیا گیا ہے۔
View this post on Instagram
کانپور پولیس کمشنر کے پاس ایف آئی آر درج کرائی گئی ہے۔ یہ شکایت فیضان انصاری نے درج کرائی ہے جس میں بتایا گیا ہے کہ وہ پونم اور ان کے شوہر سام کے خلاف 100 کروڑ روپے کا ہتک عزت کا دعویٰ دائر کر رہے ہیں۔
اس نے جوڑے کے خلاف گرفتاری کا وارنٹ جاری کرنے اور انہیں کانپور کی عدالت میں پیش کرنے کی درخواست کی ہے۔
