بالی وڈ کے سپراسٹار شاہ رخ خان نے گوری خان سے 1991 میں شادی کی تھی ، ان کے تین بچے آریان خان، سہانا خان اور ابرام خان ہیں۔
بھارتی فلم انڈسٹری میں تین دہائیوں سے راج کرنے والے شاہ رخ خان کو ’بالی ووڈ کا بادشاہ‘ اور’کنگ خان‘ بھی کہا جا تا ہے۔
بھارتی اداکار و فلمساز وویک وسوانی جوکہ شاہ رخ خان کے دوست بھی ہیں ، نے اپنے حالیہ انٹرویو میں انکشاف کیا ہے کہ شاہ رخ خان اور گوری خان کی 3 مرتبہ شادی ہوئی۔
اُنہوں نے بتایا کہ شاہ رخ خان اور گوری خان کی شادی ہندو اور اسلام دونوں مذاہب کی روایات کے مطابق ہوئی۔
فلمساز وویک وسوانی نے بتایا کہ چونکہ یہ شادی دو مذاہب کی روایات کے مطابق ہوئی تو سب سے پہلے ان کی کورٹ میں شادی ہوئی پھر اسلامی روایت کے مطابق ان دونوں کا نکاح ہوا اور آخر میں ہندو روایات کے مطابق بھی شادی ہوئی۔
انہوں نے مزید بتایا کہ شاہ رخ خان اور گوری کی یوں 3 بار شادی ایک ہی دن میں ہوئی جس میں ان دونوں کے بچپن کے دوست اور قریبی عزیز و اقارب نے شرکت کی تھی اور بہت ہی خوشگوار انداز میں شادی کی تمام تقریبات کا انعقاد کیا گیا تھا۔
اپنے ایک انٹرویو میں گوری خان نے کنگ خان سے شادی کے حوالے سے بات کرتے ہوئے بتایا کہ ان کی شادی کم عُمری میں ہوگئی تھی اورجب وہ شاہ رخ خان کے ساتھ ممبئی آئیں تو یہاں آکر وہ زیادہ خوش نہیں تھیں۔
View this post on Instagram
انہوں نے کہا کہ اُن کے لئے پہلی بار ممبئی آنا اور پھر شوبز کی دنیا وغیرہ، یہ سب کچھ نیا اور حیران کُن تھا، انہیں اپنے گھر کی بہت یاد آتی تھی، ممبئی آکر بالکل خوش نہیں تھیں۔
View this post on Instagram
گوری خان نے مزید کہا کہ انہیں ایسا لگتا تھا کہ اگر فلمیں فلاپ ہوجائیں گی تو وہ دونوں واپس دہلی اپنے گھر چلے جائیں گے، لیکن شاہ رخ خان بالی ووڈ کے سپر اسٹار ہی بن گئے۔
