بالی ووڈ کی ڈانسنگ کوئین مادھوری ڈکشٹ نے 30 سال بعد پھر سے اپنے حسن کا جادو جگایا ہے۔
میڈیا رپورٹس کے مطابق بالی ووڈ دیوا حال ہی میں ایک ڈانس شو میں ’نیشا‘ کے روپ میں نظر آئیں، جو کردار اس نے 1994 میں سپر ہٹ فلم ‘ہم آپ کے ہیں کون’ میں ادا کیا تھا۔
View this post on Instagram
اداکارہ اپنی لازوال خوبصورتی کی وجہ سے آج بھی اپنے مداحوں کے دلوں پر راج کرتی ہیں اور ان کی حالیہ تصاویر شیئر ہونے کے بعد سوشل میڈیا پر وائرل ہوگئیں۔
مداحوں نے ڈانسنگ کوئین سے اپنی محبت کا اظہار کرتے ہوئے دلچسپ تبصرے بھی کیے ہیں جبکہ ایک سوشل میڈیا صارف نے لکھا کہ عمر صرف ایک نمبر ہے۔
خیال رہے کہ مشہور فلم ’ہم آپ کے ہیں کون‘ 1994 میں ریلیز ہوئی اور اس میں مادھوری اور سلمان خان کی آن اسکرین کیمسٹری نے ماضی کے تمام ریکارڈ توڑ دیے تھے تاہم فلم کے گانے 30 سال بعد بھی سپر ہٹ ہیں۔
