پاکستان شوبز انڈسٹری کی مشہور و معروف اداکارہ زارا نور عباس نے عارضی طور پر اپنے شوبز چھوڑنے کی خبروں کو مسترد کردیا ہے۔
حال ہی میں اداکارہ زارا نور عباس نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر ایک اسٹوری پوسٹ کی جس میں انہوں نے کہا کہ یہ تاثر دینا بند کیا جائے کہ حاملہ خواتین ایک ساتھ گھر اور کام کی ذمہ داریاں نہیں نبھا سکتیں۔
View this post on Instagram
انہوں نے کہا کہ وہ شوبز نہیں چھوڑ رہیں اور یہ کہ انہیں اپنے لیے ایسی بات کہنے کی کیا ضرورت ہے کہ وہ شوبز چھوڑ رہی ہیں؟
ان کا کہنا تھا کہ عارضی طور پر اسکرین سے دور رہنا اور کام چھوڑنا الگ الگ باتیں ہیں۔
زارا نور عباس نے کہا کہ یہ بات واضح الفاظ میں یاد رکھی جانی چاہئیے کہ کوئی کسی چیز کو نہیں چھوڑ رہا۔
واضح رہے کہ اداکارہ زارا نور عباس نے چند روز قبل اپنے دیے گئے ایک انٹرویو میں بتایا تھا کہ وہ اپنے ہاں بچے کی متوقع پیدائش کی وجہ سے کچھ عرصے اور کم سے کم ایک سال تک اسکرین سے دور رہیں گی۔
View this post on Instagram
