بالی ووڈ فلم انڈسٹری کی مشہور و معروف اداکارہ میرا چوپڑا نے بزنس مین رکشٹ کیجریوال سے شادی کرلی۔
بھارتی میڈیا کے مطابق عالمی شہرت یافتہ بالی ووڈ اداکارہ پریانکا چوپڑا کی کزن میرا چوپڑا نے گزشتہ روز جے پور میں ایک پُروقار شادی کی تقریب میں بزنس مین رکشٹ کیجریوال سے شادی کی۔
View this post on Instagram
میرا چوپڑا نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنی شادی کی چند تصاویر پوسٹ کیں جو مداحوں کی جانب سے خوب پسند کی جارہی ہیں۔
تصاویر میں دیکھا جاسکتا ہے کہ میرا چوپڑا نے سُرخ اور گولڈن رنگ کا خوبصورت عروسی لباس کا زیبِ تن کیا جبکہ اُن کے دولہے نے سفید رنگ کی شیروانی پہنی۔
شادی کی چند دلکش تصاویر میں رکشٹ کو میرا چوپڑا کو پھولوں کی مالا پہناتے ہوئے دیکھا جاسکتا ہے۔
میرا چوپڑا اور اُن کے شوہر نے اپنی مشترکہ پوسٹ میں کہا کہ “اب ہمیشہ کے لیے خوشیوں، لڑائیوں، مُسکراہٹوں، آنسوؤں اور زندگی بھر کی یادوں میں ہم ساتھ رہیں گے”۔
خیال رہے کہ 11 مارچ کو میرا چوپڑا کی مہندی، مایوں اور سنگیت کی تقریبات منعقد ہوئی تھیں، جن میں بالی ووڈ انڈسٹری سے تعلق رکھنے والے میرا کے چند قریبی دوستوں نے شرکت کی تھی۔
View this post on Instagram
