پاکستان شوبز انڈسٹری معروف اداکارہ رابعہ کلثوم نے کہا ہے کہ عورت مارچ مردوں سے نفرت کا نام نہیں ہے۔
حال ہی میں اپنے دیے گئے ایک انٹرویو میں رابعہ کلثوم کا کہنا تھا کہ فیمنزم کا آغاز جن مظلوم خواتین کے لیے کیا گیا تھا ان تک اس مہم کا اصل پیغام پہنچ ہی نہیں رہا۔
View this post on Instagram
انہوں نے کہا کہ اگر دیہی علاقوں میں کوئی مرد ایسا پلے کارڈ دیکھ لے جس کے اوپر لکھا ہو کہ اپنا موزہ خود ڈھونڈو تو وہ اس کا انتہائی غلط مطلب سمجھے گا اور ایسا پلے کارڈ دیکھ کر وہ اپنی بیوی کو تین بار اور مارے گا۔
ان کا کہنا تھا کہ میری درخواست ہے کہ موزہ خود ڈھونڈیں اور اپنا کھانا خود گرم کریں جیسی چیزوں سے باہر آجائیں کیونکہ فیمنزم تو بہت وسیع موضوع ہے جس کا یہ چھوٹے موٹے گھریلو جھگڑوں اور بکواس باتوں سے مطلب ہی تبدیل کر دیا گیا ہے۔
رابعہ کلثوم نے کہا کہ میں عورت مارچ کی مخالفت نہیں کر رہی لیکن عورت مارچ جس ڈائریکشن میں جا رہی ہے وہ مجھے پسند نہیں ہے۔
View this post on Instagram
اداکارہ نے بتایا کہ عورت مارچ مردوں سے نفرت کا نام نہیں ہے بلکہ یہ تو عورتوں کے حقوق کا نام ہے کہ کوئی اپنی بیٹی کو تعلیم حاصل کرنے اور اپنا کیریئر بنانے سے نہیں روک سکتے لیکن ہماری عورت مارچ صرف مردوں تک ہی محدود ہوگئی ہے۔
