نائجیریا کی مشہور و معروف اداکارہ امل عمر کو پولیس افسر کو رشوت دینے کی کوشش کے الزام میں گرفتار کر لیا گیا ہے۔
غیر ملکی میڈیا رپورٹس کے مطابق اداکارہ امل عمر کو ریاست کانو میں ایک پولیس افسر کو رشوت دینے کی کوشش کے الزام میں گرفتار کیا گیا۔
پولیس نے بتایا کہ امل عمر نے ایک پولیس افسر کو اپنی ضبط کی گئی کار کو چھوڑنے کے لیے 250,000 نیرا ( 17 ڈالر) دیئے۔
تاہم، اداکارہ کی وکیل کا کہنا ہے کہ وہ الزامات کی تردید کرتی ہیں، پولیس افسر نے پہلے خود پیسے مانگے۔
پولیس نے بتایا کہ اداکارہ کی کار کو ایک سال قبل اس شبہ میں ضبط کیا گیا تھا کہ یہ ان کے بوائے فرینڈ کی جانب سے مبینہ طور پر دھوکہ دہی کی رقم سے خریدی گئی تھی۔
تاہم، وکیل کا کہنا تھا کہ یہ محض اس کے حقوق کے غلط استعمال کا معاملہ ہے، ہم نے عدالت میں ابتدائی مقدمہ جیت لیا جہاں وہ اسے اس کے بوائے فرینڈ کی سرگرمیوں سے جوڑنے کی کوشش کر رہے تھے جس میں اس کا کوئی ہاتھ نہیں تھا۔
وکیل نے کہا کہ ہم اس کیس کا آخر تک پیچھا کریں گے کیونکہ اسے صرف چیزوں کو تبدیل کرنے کے لیے آنے اور اپنی گاڑی لینے کے لیے بلایا گیا تھا۔
پولیس کا کہنا ہے کہ امل کا بوائے فرینڈ رمضان انووا دھوکہ دہی سے رقم حاصل کرنے کے الزام میں مطلوب ہے اور تاحال فرار ہے۔
