معروف بھارتی فلمساز بونی کپور نے کہا ہے کہ وہ اپنی اہلیہ و آنجہانی اداکارہ سری دیوی پر بائیوپک نہیں بنانے دیں گے۔
بھارتی میڈیا کے مطابق گزشتہ کچھ دنوں سے یہ افواہیں گردش کررہی تھیں کہ آنجہانی اداکارہ سری دیوی پر بائیوپک بنائی جا رہی ہے اور اس کے لیے تیاری بھی شروع ہوگئی ہے۔
اب حال ہی میں بونی کپور نے اپنے دیے گئے ایک انٹرویو میں کہا کہ میری اہلیہ سری دیوی ایک پرائیوٹ شخصیت تھیِں، اُنہوں نے ہمیشہ اپنی نجی زندگی کو میڈیا سے دور رکھا لہٰذا اب اُن کی موت کے بعد بھی اُن کی زندگی کو نجی ہی رہنا چاہیے۔
انہوں نے کہا کہ مجھے نہیں لگتا کہ سری دیوی پر کبھی بائیوپک بنے گی کیونکہ میں جب تک میں زندہ ہوں، میں ایسا نہیں ہونے دوں گا۔
یاد رہے کہ بونی کپور نے جون 1996 میں بالی ووڈ کی آنجہانی اداکارہ سری دیوی سے شادی کی تھی، اس جوڑی کی دو بیٹیاں ہیں، جھانوی کپور اور خوشی کپور۔
سال 2018 میں سری دیوی دبئی کے ایک ہوٹل کے باتھ ٹب میں ڈوب کر جان سے ہاتھ دھو بیٹھی تھیں۔
