پاکستان شوبز انڈسٹری کی معروف اداکارہ و ماڈل سنیتا مارشل نے کہا ہے کہ اگر ان کے گھر والے حسن احمد سے شادی کے لیے رضامند نہ ہوتے تو وہ ان سے بھاگ کر ہر گز شادی نہ کرتیں۔
حال ہی میں اپنے دیے گئے ایک انٹرویو میں اداکارہ و ماڈل سنیتا مارشل کا کہنا تھا کہ شروع میں ان کے گھر والے حسن احمد سے شادی کے لیے رضامند نہیں تھے۔
View this post on Instagram
انہوں نے کہا کہ ان کا خاندان انگلینڈ میں رہائش پذیر تھا اور وہ کیریئر کے سلسلے میں پاکستان میں مقیم تھیں جبکہ ان کے گھر والے حسن احمد سے شادی کے لیے تیار نہ تھے۔
ان کا کہنا تھا کہ وہ گھر والوں کو منانے کے لیے انگلینڈ گئیں اور ان کی رضامندی سے ہی شادی کی۔
View this post on Instagram
سنیتا مارشل نے بتایا کہ اگرچہ انہیں حسن احمد سے عشق تھا اور وہ ان سے شادی کرنا چاہتی تھیں لیکن انہوں نے پہلے ہی سوچ رکھا تھا کہ اگر ان کے اہل خانہ رضامند نہ ہوئے تو وہ اداکار سے بھاگ کر شادی نہیں کریں گی۔
واضح رہے کہ سنیتا مارشل اور حسن احمد نے 2008 میں شادی کی تھی، جوڑے کے دو بچے ہیں، حسن احمد اسلام جبکہ سنیتا مارشل مسیحیت کی پیروکار ہیں۔
View this post on Instagram
