پاکستان شوبز انڈسٹری کی مشہور و معروف اداکارہ یمنیٰ زیدی کی صحت سے متعلق تشویشناک خبر آ گئی ہے۔
حال ہی میں یمنیٰ زیدی کی ایک ویڈیو سوشل میڈیا پر تیزی سے وائرل ہورہی ہے جس میں اداکارہ ڈرامے کی شوٹنگ کے دوران سیڑھیوں سے گر گئیں۔
View this post on Instagram
سوشل میڈیا پر وائرل ہونے والی اس ویڈیو میں دیکھا جا سکتا ہے کہ اداکارہ یمنیٰ زیدی سیڑھیاں اتر رہی ہیں کہ اچانک توازن خراب ہونے کے باعث لڑکھڑا کر گر پڑیں۔
اداکارہ نے اس واقعے سے متعلق سوشل میڈیا پر پوسٹ شیئر کی۔
پوسٹ میں انہوں نے کہا کہ میں صدقے کی طاقت پر یقین رکھتی ہوں، صدقے ہی نے بچا لیا۔ سیڑھیوں سے گرنے کے باوجود میں زخمی نہیں ہوئی بس ہلکی سے خراش آئی اور میں نے اپنا کام مکمل کیا۔
واضح رہے کہ اداکارہ کا سیڑھیوں سے گرنے کا واقعہ ڈرامہ جنٹلمین کی شوٹنگ کے دوران پیش آیا، یمنیٰ زیدی ڈرامے میں صحافی کا کردار ادا کررہی ہیں اور ان کے ہیرو ہمایوں سعید ہیں۔
