سمپسنز کارٹون کی چاہت فتح علی کے بدوبدی سے متعلق پیشگوئی کی بڑی حقیقت سامنے آگئی ہے۔
حال ہی میں پاکستان کے معروف اداکار عمران عباس نے اپنے اسٹاگرام اکاؤنٹ پر ایک اسٹوری شیئر کی جو وائرل ہو گئی۔
اسٹوری میں دنیا بھر کے اہم واقعات کی پیشگوئی کرنے والے کارٹون دی سمپسنز کی پرانی قسط کا ایک منظر اور بدو بدی کی ویڈیو کا اسکرین شارٹ موجود تھا جس میں کافی مماثلت دکھائی دے رہی ہے۔
اسٹوری پر اداکار نے لکھا کہ ’ سمپسنز نے پھر کر دکھایا، جیسا ماضی میں کرتے آئے ہیں، سمپسنز نے پہلے ہی بتا دیا تھا کہ ہم پر چاہت فتح علی خان کا عذاب آئے گا‘۔
View this post on Instagram
عمران عباس کی جانب سے شیئر کردہ تصویر میں سمپسنز کارٹون کریکٹر کا ہیئر اسٹائل چاہت فتح علی خان سے ملتا جلتا ہے۔
تصویر میں چاہت فتح علی خان سے مماثلت رکھنے والے شخص کے ساتھ کارٹون کریکٹر میگی بھی موجود ہے جسے وائرل بدوبدی کی ماڈل وجدان راؤ قرار دیا جارہا ہے۔
