سابق امریکی ریسلر و ہالی ووڈ اداکار جان سینا اور بالی ووڈ فلم انڈسٹری کے معروف اداکار شاہ رخ خان کی ملاقات ہوئی ہے۔
جان سینا نے دو روز قبل بھارتی تاجر مکیش امبانی کے بیٹے اننت امبانی کی شادی کی تقریب میں شرکت کی جس میں انہوں نے شاہ رخ خان سے ملاقات بھی کی۔
View this post on Instagram
انہوں نے سوشل میڈیا پر شاہ رخ خان کے ہمراہ تصویر شیئر کرتے ہوئے لکھا کہ شاہ رخ خان نے میری زندگی پر مثبت اثر ڈالا ہے۔
جان سینا نے اپنے پیغام میں امبانی فیملی کا شکریہ ادا کرتے ہوئے کہا کہ یہاں آنا میرے لیے بہت ہی یادگار ثابت ہوا ہے کیونکہ یہاں پر میری بہت سارے دوستوں کے ساتھ خصوصاً شاہ رخ خان سے بھی ملاقات ہوئی ہے۔
واضح رہے کہ اننت امبانی اور رادھیکا مرچنٹ 12 جولائی کو رشتۂ ازدواج میں منسلک ہوگئے۔
