معروف بھارتی یوٹیوبر دھروو راٹھی کے ہاں پہلے بیٹے کی پیدائش ہوئی ہے۔
حال ہی میں جرمنی میں مقیم بھارتی یوٹیوبر دھروو راٹھی نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر ایک پوسٹ جاری کی جس میں انہوں نے مداحوں کو بیٹے کی پیدائش کی خوشخبری دی۔
View this post on Instagram
انہوں نے انسٹاگرام پر دو تصاویر پوسٹ کیں جن میں سے پہلی تصویر میں یوٹیوبر چہرے پر مسکراہٹ لیے گود میں اپنے نومولود بیٹے کو لیے بیٹھے ہیں جبکہ اگلی تصویر میں انہوں نے اپنے شہزادے کا چہرہ مداحوں کو دکھایا۔
یوٹیوبر نے اپنی پوسٹ میں کہا کہ اس خوشخبری کے ساتھ، ہم اپنے بیٹے کا دُنیا میں استقبال کررہے ہیں۔
بھارتی فنکاروں نے اور مداحوں نے دھروو راٹھی کو بیٹے کی پیدائش پر مبارکباد دی اور ساتھ ہی نیک تمناؤں کا اظہار بھی کیا۔
واضح رہے کہ دھروو راٹھی نے سال 2021 میں دیرینہ دوست جولی سے آسٹریا میں شادی کی تھی، بعد ازاں، اُنہوں نے بھارت میں اپنے ہندو مذہب کے مطابق بھی شادی کی تھی۔
