بھارتی سیاستدان بابا صدیقی کے بیٹے ذیشان صدیقی نے انصاف کا مطالبہ کر دیا ہے۔
بشنوئی گروپ کے ہاتھوں قتل ہونے والے بھارتی سیاستدان بابا صدیقی کے بیٹے ذیشان صدیقی نے اپنے انسٹاگرام اکاؤنٹ پر ایک پوسٹ شیئر کی ہے، جس میں انہوں نے لکھا کہ ’میرے والد نے اپنی زندگی لوگوں کی حفاظت کرنے اور غریبوں کی جان اور گھروں کو بچانے کے سبب گنوادی ‘۔
انھوں نے لکھا کہ ’آج میری فیملی ٹوٹ چکی ہے، لیکن والد کی موت سیاست کی نذر نہیں ہونی چاہیے اور ان کی قربانی ضائع نہیں جائے گی، مجھے اور میری فیملی کو انصاف چاہیے‘۔
View this post on Instagram
یاد رہے کہ 12 اکتوبر کو ممبئی کے علاقے باندرہ میں رام مندر کے قریب بابا صدیقی کو ان کے بیٹے ذیشان صدیقی کے دفتر سے روانگی کے وقت قاتلانہ حملے کا نشانہ بنایا گیا تھا۔
بعد ازاں بشنوئی گینگ نے یہ اعلان کیا تھا کہ بابا صدیقی کو سلمان خان سے قریبی تعلق ہونے کی وجہ سے قتل کیا ہے۔
