پاکستان شوبز انڈسٹری کی معروف اداکارہ مدیحہ امام نے کہا ہے کہ لڑکیاں کبھی بھی ملک سے باہر رہنے والے شخص سے شادی نہ کریں۔
حال ہی میں اپنے دیے گئے ایک انٹرویو میں معروف اداکارہ مدیحہ امام نے کہا کہ لڑکیاں کبھی ملک سے باہر رہنے والے شخص سے شادی نہ کریں کیونکہ یہ بہت سی لڑائیوں کی وجہ بنتا ہے۔
View this post on Instagram
انہوں نے کہا کہ وہ اور ان کے شوہر کام کے باعث نہ چاہتے ہوئے بھی الگ رہتے ہیں اور یہی ان کے درمیان لڑائی کی وجہ بن جاتی ہے۔
ان کا کہنا تھا کہ فون پر بات کرنے سے اگر کوئی لڑائی ایک منٹ میں ختم ہونے والی ہو تو وہ ہفتوں اور مہینوں تک چلتی ہے جبکہ اگر میاں بیوی ساتھ رہ رہے ہوں تو اسی وقت ناراضگی کو دور کیا جاسکتا ہے۔
مدیحہ امام نے کہا کہ الگ ملک کے شخص سے نبھائی جانے والی شادی میں جہاں ملاقات کیلئے بےقراری ہوتی ہے اور پیار میں اضافہ ہوتا ہے وہیں اس کے کچھ نقصانات بھی ہیں جو دوریوں کا باعث بنتے ہیں۔
واضح رہے کہ مدیحہ امام پاکستان کے کئی مشہور ڈراموں میں اداکاری کے جوہر دکھا چکی ہیں۔
