پاکستان شوبز انڈسٹری کی معروف اداکارہ و میزبان مشی خان سیلفی لینے کی کوشش کرتے ہوئے لائیو شو کے دوران گِر پڑیں۔
حال ہی میں معروف اداکارہ و میزبان مشی خان کی ایک ویڈیو سوشل میڈیا پر خوب وائرل ہورہی ہے جس میں وہ اپنے براہ راست لائیو شو کے اختتام پر مہمانوں اور ٹیم کے ہمراہ سیلفی لینے کے دوران کرسی سے گِر گئیں۔
ویڈیو میں مشی خان شو کے اختتام پر ٹیم کے ارکان سے پوچھتی ہیں کہ ہمارے پاس کتنا ٹائم بچ گیا ہے؟ جس کے بعد وہ اپنا فون نکال کر سیلفی نکالنے کی کوشش کرتی ہیں۔
View this post on Instagram
ویڈیو میں دیکھا جا سکتا ہے کہ اداکارہ جیسے ہی فون نکال کر سیلفی لینے کی کوشش کرتی ہیں تو وہ اپنا توازن کھو بیٹھتی ہیں اور کرسی سے نیچے گِر جاتی ہیں۔
مشی خان کرسی سے گرنے پر ہنس پڑیں اور ساتھ ہی شرمندہ بھی ہوئیں۔
اداکارہ کی وائرل ویڈیو پر سوشل میڈٰیا صارفین کی جانب سے مختلف تبصروں کا سلسلہ جاری ہے۔
