پاکستانی اداکار سعود قاسمی نے بالی ووڈ اداکارہ نورا فتیحی سے ملاقات پر اہلیہ جویریہ کا ردعمل بتادیا۔
حال ہی میں اداکار سعود قاسمی نے نجی ٹی وی کے پروگرام میں بطور مہمان شرکت کی جس دوران میزبان نے سوال کیا کہ جویریہ کو کس نے آپ کی نورا سے ملاقات کی ویڈیو خفیہ طور پر بنا کر بھیج دی تھی اور اس کے بعد جویریہ نے آپ کو فون کر کے کیا کہا تھا؟
View this post on Instagram
سوال کا جواب دیتے ہوئے سعود نے کہا کہ میرے چھوٹے بھائی کی لیگ کا میچ تھا اور نورا فتیحی، میکا سنگھ سمیت کئی مشہور اداکار اس میچ کو دیکھنے پہنچے تھے، اسی وقت میری نورا سے ملاقات ہوئی، اسی دوران کسی نے ہماری ویڈیو بنا کر ازراہ مذاق جویریہ کو بھیج دی اور بتایا کہ دیکھیں سعود نورا کے ساتھ کتنا انجوائے کررہے ہیں، اس کے بعد جویریہ نے وہ ویڈیو اپنے سوشل میڈیا پر پوسٹ کردی جو وائرل ہوگئی۔
اداکار سعود نے کہا کہ میں نے اس ویڈیو کو خود نہیں بنوایا تھا وہ کسی اور نے بنا کر جویریہ کو بھیجی تھی، یہی وجہ تھی کہ میرا رخ نورا کی جانب بھی نہیں تھا۔
